جزل العطاء

انا ربتني الدنيا على جزل العطا والجود
ونفسي للوفا والطيب وفعل الخير جزامه
واعارض منهج الهابط واوافق للصعود صعود
واسير نفسي بعقلي مدام النفس هدامه
ولاتثر بي البسمه ولا كحل العيون السـود
ولايقوى على قلبي صغير الحسد واجسامه
ارد الجود بامثاله واقابل بالجحود جحود
ترى لاخير في رجل يوطي للردي هامه
ومن له بالزمن غايه ومن عنده هدف منشود
ومن مناقدر يعرف خفايا مقبل ايامه
لقينا بالعرب حاسد وشفنا بالعرب محسود
وبه ناس لنا ضامت وبه بالناس منظامه
وقابل خطوه بخطوه وجازي بالصدود صدود
تناسي غلطه الصاحب عليك بلحظة اخصامه
تجنب كسرة الخاطر ولو حبل الزعل مشدود
تراك بكسرة الخاطر حكمت القلب بعدامه
ولاتزعل على رجل بذل لك ولرضاك جهود
ولاتامن من الحاسد رضاه ورفعة ابهامه
نبي نصبر على الدنيا قلوب بالحياه زهود
مدام ان البخت عيت توفق رمعة اسهامه
وانا ماقلتها راجي ولا اطلب بعدهامردود
ولكن الفتى وده يحقق جمله احلامه
صحيح اني صغير السن لاكن قدها وقدود
واناعندي مع الدنيا مواقف ترفع الهامه
طموحي يملي العالم ولابه للطموح قيود
مدام ان الأمل طبعي عرين وصرت ضرغامه
خلقنا الله من ترابه ولاحضان التراب نعود
تحت رمل الثرى نبقى تغطي جسمنا خامه
((وســـلااامـتـكـم))