مخلفــــات المواعيـــــد

الله من قلبٍ به الزين شلع=تشليع ميراجٍ بعرض السحابي
حسبي على اللي منه قلبي تروع=ترويع مفجوعٍ بشين الجوابي
وقف شعر راسي وصدري تمزع=من يوم شفت اللي يزيد التهابي
أبو وصوفٍ بالحلا ما تصنع=بدع الولي ما ضن خلقه ترابي
لو لا الكفر لا قول رسمه تنوع=مخلوق من نورٍ ونار وشهابي
كل البشر من زود حسنه تفرع=كل العذارا من جماله تهابي
من نظرت عيونه فوادي تقطع=حسبي عليه اليوم حسنه سطابي
أهيم بين الناس كني مصفع=ثارت براكيني ولا حدٍ درابي
ليله غشاني منه قلبي تشبع=يملك كياني ما خذٍ كل مآبي
وأنا الذي من شين وقته تجزع=أتيه في دنيا العنا من عذابي
الحال من عقبه فلا هي ترقع =في داخلي مليون هم أعتلابي
يا رب أنا مليت قلبي تفقع=من صاحبٍ ما حس يطعن جنابي

وصح الله السااانك مليوووووووووون
وش ذالصوره الحلوه