الشاعر عبدالله : بامحفوظ

يعيـن الله يـا دنيـا تسـوق ايامهـا الاحـزان
يعيـن الله وانـت مثـل قفـل ضـاع مفتاحـه
يعين الله وجروحي لها فـي كـل وقـتٍ شـان
كذوب اللي يقـول ان الزمـن بيـداوي جراحـه
سقى الله يوم انا يمَه عزيـزٍِ يزعـج الجيـران
سقى الله يوم انا طفلٍ يصـج البيـت بصياحـه
سقى الله يوم كان اقصى طموحي لعبـة الدنـان
نهاية يومي المغرب واخـاف الليـل واشباحـه
سقى الله يوم انا البس بشت ابوي وثوبه القيطان
وأقلد كل شي فيـه حكيـه .. جـده .. إمزاحـه
وأشيل المسبحه مثله ليا هوجس وهـو سرحـان
يشعر واحسب ان اللي عطـاه الشعـر مسباحـه
سقى الله بيتنـا ذاك البسيـط مشقـق الجـدران
شجاع .. يهـزم الغـدرى بقنديلـه ومصباحـه
تكحلنا القناعه .. لا ط،مع .. لا هم .. لاحرمـان
واذا جا الليـل تكفينـا ثـلاث اخـوان طراحـه
جميع الذكريات اللي غدت فـي قفـر النسيـان
تحاكـي حلـوه عبـره بمـوق العيـن سباحـه
خذتني غربه .. عنوانها ( غربـه بـلا عنـوان)
ابي عقب التعب راحه لقى فينـي التعـب راحـه
ورجعت اليوم مثل اللي رجع عقب القنص خسران
غدى طيـره وجـا يسحـب سلوقيـه وملوحـه
قصيده .. ما بعد مرت في بال مساعد وضيـدان
هواجيـس ابـدوي هايـم فـي عشـق فلاحـه
وروح تايبه .. كانـت تبـي لذنوبهـا غفـران
خطاي انـي كتمـت اسرارهـا بعيـون بواحـه
تقولين المطير يمـه مهـو دايـم يجـي هتـان
اجل معذور قلب في همومـه ضاعـت افراحـه
انا يمـه غلطـت ولانـي اول واحـدن غلطـان
ابونا آدم من الجنه .. خـرج باسبـاب تفاحـه

مشكور اخي الزعيم على نقل هذه الابيات الجميله تسلم