قصيــدة / الفرق بين الرجاجيل ,,,, من قصائدي

يا ناشدٍ عن مكسبي والمحاصيل=في ما مضى من عمري اللي طويته
انطر جوابٍ ياصلك فيه تفصيل=يجيك مني فيه علمٍ بغيته
انا عرفت الفرق بين الرجاجيل=الفرق في وقت الشدايد لقيته
يبين لك لاصرت محتاج بالحيل=معدن رفيقك يتضح لا نخيته
بعض البشر له فزعةٍ كنها السيل=يلفي عليك الخير لامن لفيته
تاتيك من عقب الشدايد تساهيل=لا جابتك رجليك يم باب بيته
يستقبلك لو رحت له تالي الليل=تلقى الفرج بإذن الولي لا نصيته
ما ينتظر منك الخبر والتعاليل=عيبٍ تجيه وحاجتك ما خذيته
والبعض الآخر لك يجيب الغرابيل=دربٍ عوج خسارةٍ لا مشيته
ما عنده الا الهرج والقال والقيل=لازم تعود ومطلبك ما قضيته
المدعي للطيب حريف تمثيل=ما ينفعك في ضيقتك لو رجيته
ما تفرقه عن لابسات الخلاخيل=على طبوعٍ يمتلكها رثيته

واو حلوووووووووة كثير

صح لسانك يا الزعيم والزعيم زعيم

صح بدنك


تسلم على المرور يا الشهم

لا هنت يابو سعيد

ايش الذوق الرائع والابيات الجميله مشكور اخي الزعيم على الابداع والتميز زارتك العافيه

صح بدنك


تسلم على المرور يا الشهم

صح لسانك الزعيم فعلا قصيدة معبرة كثير وفيها كثير من الحكم

دمت بخير