وقصيده غزليه روعه

[center]يذكرني طلـوع البـدر خلـي f إلى منـه بـدا نـوره وطلـي
تغالـط طلتـه طلـة حبيـبـي f إلى منه طلعلي قمـت أهلـي
تقل ما اعْرف من اللي بالبسيطةf ومن ذا اللي وراء الغيم متعلي
شبيـه البـدر لا ودع سمايـه f تداعى الكون حولي واضمحلي
تضيق النفس لي منـه تـوارىf وتسعد كل مـا كـان متجلـي
سلام الله علـى هـاك المحيـاf ونـور مـن جبينـه مستهلـي
يقول البدر أنا انزل في مكانـه f ويطلع باهـي الطلعـه محلـي
ألا يا بدري اللي مـن هلالـه f وانا ارقب حسبته لين اكتملـي
اتابع سريته وارصـد مـداره f من المطلاع ليـن إنـه يفلـي
يباين لي على غيابـه كواكـب f ولكن كنهـن مـا باينـن لـي
تحلن بالضياء مثلـه .. ولكـن f خذن منـه الحـلاوة بالتحلـي
وأنا لو جيت ابا خذ منه فيهـن f وش آخذ من بهاه أويش أخلـي
يعز الصبـر اطالعهـن دقايـق f ولو نظرات من بـاب التسلـي
مابين الجدي وسهيـل اليمانـي f اقلّب نظرتي واقول مـن لّـي
عقب بدري غدا ليلـي متاهـة f بهت ما كان لامع حيـن هلـي
أنا وسهيـل والنجـم الشمالـي f على دروبه نضيـع ونستدلـي
يغيب وصورته فالبـال تبقـى f ملازمني خيالـه مثـل ظلـي