الشاعر العتيبي

[center]الشاعر العتيبي




يفجّرها قصيدة قوية جداً في الأمير خالد آل سعود


بعد أن وصفه الأمير بالحمار !!!


أترككم مع القصيدة لشاعر // جابر بن هايف الغبيوي العتيبي..





على هونك وخير إن كنت أنته خالد آل سعود


إذا أنته من آل سعود أنا ماني بولد عبده





أنا جابر ابن هايف ابـن مشعـان بـن بـارود


وربعي عتيبة الهيـلا وأبـوي معـرّب ٍ جـدّه





وترى ماقلت أنا عتيبي وأبي عتيبه وراي حشود


عساهـم ذخـر لكنـّي اذا لـي نـد أنـا نـدّه





وأنا ياحمار ماني حمار وكل كلمه ولها مـردود


ولو من كان ويتمـادا وطيـت بجزمتـي خـدّه





تعلـّم كيـف تتكلّـم وحاسـب للكـلام حـدود


وعليّه من رفع يدّه نزعـت مـن اجسـده يـدّه





أقوله وأنت تسمعني وحولك هالحميـر شهـود


وكل حرف ٍ أقولـه لـك ترانـي بالفعـل قـدّه





ماني ياهيه عبدٍ لـك ولا لغيـر الولـي معبـود


ولاني خايف إلا الله هو اللي بـس أنـا عبـده




أقـدّر مـن يقدّرنـي بـلا سيـّد ولا مسيـود

سـواءاً طبـت ولا خبـت بزيـد الكيـل وأردّه



وإذا عيونك تصاغرني بعيني مالـك أي وجـود

حقير اللـي تحاقرنـي ولا أشوفـه ولا أعـدّه



ياخالد أبن آل سعود ترى نسل الفهـود فهـود

وبين الناب والمخلاب صعب من ينطـرح هـدّه



ورب الخلق ورب الكون والمشكور والمحمـود

لو إن أيدي تطولك لأمصع إلسانك مـن الغـدّه



ولابد بيوم نتلاقـى ويجيبـك حظـّك المقـرود

ونعرف منهو فينا حمار إذا كـل واحـد لوحـده



وساعتها أنـا جابـر وأنتـه خالـد آل سعـود

وياليت أعظامك أتشيلك لاتتكسر مـن الرعـده



تذكّرنـي ولاتنسـى مـدام إن الليالـي سـود

وجزر الوقت لـو ودّاك تجينـي راجـع بمـدّه