مسجــــــــــــــــــــــــــــــــــات

O؛°‘¨خذلان¨‘°؛O

ليت دنيتي على طبع الجفا علمتني
ما كان الفراق بيننا يتأخر ثواني
عيبي دموعي يوم اقفيت فضحتني
وليت اللي دمعت لاجله مره بكاني
حسبي على دنيا معه بالود جمعتني
وحسبي على زمن بأمثاله رماني
حتى نجوم الليل باهاتي سمعتني
انت اللي جرحتني كيف اصير جاني
احمد الله يوم نفسي عنك منعتني
ولا رخصت عزتي لأجل حبك الفاني
يوم امي من حليب الوفا رضعتني
ابوي على درب الشرف والعز رباني

O؛°‘¨وفاء¨‘°؛O

احبك حب ابد ما عدته العرب بقياس
العين مسكنك وحبك داخل القلب ذايب
صادق المشاعر واصلك طيب الساس
الروح ملكتها وصرت اغلى الحبايب
الطيبه بداخلك تنافس رقة الاحساس
مهما يطول العمر عنك ماني بتايب
يوم غنى بوخالد حبيتك من بين الناس
انا بحبك تغنيت وعديتك اقرب قرايب
انا اشهد انك وفي وفيك ارفع الراس
يوم صار الوفا ثامن السبع العجايب

O؛°‘¨ حب بلا حدود¨‘°؛O

قد قالوا ان المحبين بالحب لهم اذواق
وانت من بين الناس صرت لي ذوقي
طلبت من الله قصة حب ما بها فراق
بها القلب قلبك ونبضه داخل عروقي
يضل اسمك طول العمر بالصدر خفاق
اسكن داخلك وانت تسكن في ضلوعي
مشتاق لك يمي بُعدك أجل كيف ينطاق؟
وانت صرت نبضا يصدح داخل خفوقي
لو موتي بيثبت لك انا وشكثر مشتاق
لا احط الحبل برقبتي واراويك شوقي

O؛°‘¨ تضحيه ¨‘°؛O

عشت عمري وهم احسب انج تبيني
غلطان يوم أني عطيتج عمري ودنيتي
رخصت العمر لأجلج ولا قلت لج عطيني
كان يكفين بس اشوفج تفرحين بجيتي
جيتج ابي عشقا ما ابي وهما يسليني
جيتج طفلا يبتسم وانتي سرقتي فرحتي
واليوم سلمت الامر لله يحكم بينج وبيني
وان صار الغلط مني انا باتحمل غلطتي
دخيلج لو الموت سبقني بيدينج كفنيني
وكتبي على قبري(( مسكين)) مات بسبتي

O؛°‘¨ غدر ¨‘°؛O

بدويا جاني ضيفا على الخيام لافي
ضاميا وريقه من العطش باين جفافه
تشيلك العين لو ما كان المكان كافي
قلتها للضيف راضيا ما فيها حسافه
يقول طلبتك لا تردني ادري بك سنافي
رجليني حافيه وتشكي طول المسافه
عطيته نعالي ومشيت بالشوك حافي
ما همتني جروحي والشوك ما اخافه
يقول البرد مسهرني ودي انام دافي
ابي اتلحف لحافك كان ما فيها كلافه
نمت جنبه احرسه ولا ادري بالخافي
واحس جسمي من البرد تتجمد اطرافه
صحيت وللاسف ضيفي سارق لحافي
ليت راح النظر مني ولا شاف ما شافه
ضيفي غدر فيني وطعن قلبي الوافي
بنكران وغدر رد لي حسن الضيافه
بظهري طعني وانا شايله على اكتافي
مثل العروس تخون زوجها بليلة زفافه