قصايدالمرحوم علاوي عمرصالح

يالله عبدك تأمل= وانت الذي باتجيرة
كم قدصبر كم تحمل= ياعالما بسريرة
يلهاجس اعزم توكل= شوف الخبر والمشورة
كيف الخلايق تبدل= واخبار هذة كثيرة
نومي هجرني وقفل= والقلب يمسي بحيرة
الكل عايز يجمل= ولايحاسب ظميرة
يشتي لغيرة يوكل= ولو يوفي جفيرة
الناس هذة تبدل= واخبارها ذي خطيرة
الله وحده يجلل= ويجيرنا من مصيرة
الكل يشتي يدخل= ولايفكر بغيرة
ذي كان لراعي تبدل= سوا عمامة وشيرة
عايز يمصلح ويأكل =حتا ولومن جويرة
قصدة يشيخ ويبتل= لو كان في مال غيرة
من ذي من الله يخجل= ولايحاسب ضميرة
مايعرف العمر يكمل= وبايلاقي مصيرة
ياهاجسي بس تدلل= باقي مراحل صغيرة
يالعقر كم باتحمل= كم من مشاكل كثيرة
محد لحد بايجمل =والكل يكسب ذخيرة
قدكان شاقي وبطل= يشتي يقع مثل غيرة
يبطش ويكذب ويدجل= ولم يبيع حميرة
ويقول لازم يحول= ويكون قايد حضيرة
وحزبنا قد تجمل= يدي لواحد فطيرة
والتاجر امسى يأمل= لاحن خبا شعيرة
من جاع الصبر اجمل= شعب اليمن مثل غيرة
يلحر لازم توكل= واحنا معك بلمسيرة
ارضي توحد وهلل= وربنا ذي نصيرة
ياشعب فتح واعقل= كلمن يراجع ضميرة
قدكنت فلحزب الاول= وقلت بتاشوف غيرة
محد لحزبة يجمل= ولايظيع خبيرة
من باع نفسة وحلل= والله محد يجيرة
حتى ولو هو مغفل =لابد ينضر لغيرة
يتذكر الوقت الاول= ولايرابع بعيرة
يالله بك باتوكل= من غشنا تستجيرة